Maca Geguritan

Geguritan iku pada tegese karo puisi. Menawa puisi nganggo basa Indonesia, nanging menawa geguritan nganggo basa Jawa. Dadi cekake geguritan yaiku puisi jawa modheren.

Gawe geguritan iku kudu nggatekake babagan basa. Pamilihan basa kang mentes lan endah. Banjur nalika maca geguritan kudu nggatekake babagan swara, lafal, lan intonasi. Kejaba iku, patrap utawa ekspresi rai uga kudu pas karo swarasana geguritan mau.

Iki ana tuladha geguritan sing bisa kanggo gladhen maca 

Palestina

Nalika dhewe isih cilik

Mlayu – mlayu sak karepe

Ora klambinan, umbelen lan nggawa dolanan

Saben dhuhur diparani simbok

“ayo mlebu, koli turu”

Ning Palestina

Nalika isih cilik

Mlayu – mlayu ora sak karepe

Umbelen, nggawa watu

Saben wayah diparani simboke

“ayo mlebu, akeh peluru”